Төрүт өбүгэлэрбит былыргы олохторун дириҥник үөрэтэр, саха омук ураты үгэстэрин билиһиннэрэн, Саха омук буоларыттан киэҥ туттарын киэн туттарын ситиһэр сыаллаах нэдиэлэ буолан ааста. Нэдиэлэ устата араас темаҕа оонньуу көрүҥүнэн бэсиэдэлэр,викториналар, «Саха төрүт оонньуулара” күрэхтэр ыытылыннылар.
“Ай-Тут” бөлөх салайааччылара Екатерина Юрьевна, Татьяна-Сарыада Константиновна оҕолорго олус интэриэһинэй оҥоһуктары оҥоттордулар. Ол курдук Татьяна-Сарыада Константиновна уруһуй педагога кыргыттарга сахалар мааны сыаналанар иһиттэрин Чороону точечнай ньыманан, Екатерина Юрьевна логопед- педагог уолаттарга выжигание технологиятынан кытыйа оҥоттордулар.
Нэдиэлэбитин түмүктүүр күнүгэр төрөппүттэр көмөлөрүнэн мааны астаах Сандалы остуол тэрилиннэ. Ийэлэр, эбээлэр сахалыы ас арааһын астаан аҕалан оҕолорго кэпсээтилэр.
Викторина уонна күрэхтэһии түмүгүнэн оҕолор грамоталарынан наҕараадаланнылар, төрөппүттэригэр бэйэлэрэ оҥорбут оҥоһуктарын бэлэх уунан үөрүүлэрин үксэттилэр.
