2019 сыл сэтинньи ый 27 күнүгэр Бүлүү улууһун 1 Күүлэт нэһилиэгин Хатыҥчаан уһуйааныгар Сахаларга Байанай ыйа анаммытын бэлиэтээн улахан уонна бэлэмнэнии бөлөх иитиллээччилэригэр, уол оҕону кыра сааһыттан сиэри-туому тутуһан айылҕалыын алтыһарга, бултуурга интэриэһи үөскэтэр сыаллаах, “Байанай-2019” күрэх ыытылынна.
Күрэхпит үс түһүмэхтээх буолан ааста. Маҥнайгы түһүмэх: сиэри-туому тутуһан, уот иччититтэн көрдөһөн, Аал уоту аһатан булчут таҥаһын араас көрүҥүн көрдөрүүттэн саҕаланна. Иккис түһүмэх: “Сахам сирин кыыллара”- проект көмүскээһинэ уонна үһүс түһүмэх “Байанай-2019”түөрт көрүҥнээх күрэх ыытылынна.
- Мүччүргэннээх айан (мэһэйдээх сүүрүү), оҕунан тииҥи ытыы.
- Ойбон алларыы (шариктары анньыыннан тэһии)
- Балыктааһын (күөҕүннэн)
- Балык хомуйуу
Дьүүллүүр сүбэ түмүгүнэн кыайыылаах үрдүк аатын ыллылар улахан бөлөх иитиллээччитэ Саян Филиппов - Бэлэмнэнии бөлөх иитиллээччитэ Байсан Степанов. Элбэх оҕолоох ыал аҕа баһылыга Дмитрий Алексеевич Степанов уонна эмиэ элбэх оҕолоох эдэр ыал аҕата-Петр Анатольевич Филиппов уолаттарын ох курдук бэлэмнээн-тэрийэн кэлэннэр үрдүк кыайыыны оҕолоругар ситистилэр. Маны таһынан анал ааттарга тигистилэр: улахан бөлөх оҕолоругар Алеша Пахомов - “Хоһуун булчут”, Петя Ефимов - “Эрчимнээх булчут”, Максимильян Степанов - “Бэргэн ытааччы”. Бэлэмнэнии бөлөх уолаттарыгар Саян Иннокентьев - “Хоһуун булчут”, Толя Филиппов - “Эрчимнээх булчут”.
Маны тэҥэ төрөппүттэр күүстэринэн «Булт тэриллэригэр” олус интэриэһинэй выставка тэрилиннэ.
