1Күүлэт "Хатыҥчаан" уһуйаанын кыра бөлөҕөр Саҥа дьылы көрсө ахсынньы 28 күнүгэр утренник буолан ааста. 19 оҕоттон 14 оҕо сырытта. Тымныы Эһэчээммит кэлэн оҕолор үөрүүлэрин үксэттэ, күндү бэлэҕин туттарда. Оҕолор ырыа хоһоон бэлэхтээтилэр.
Бу иннинэ Тымныы оҕонньор таһырдьанан ааһан,түннүгүнэн өҥөйөн, оҕолорго анаан кистээн бэлэх хаалларан ааспыта.
Төрөппүттэрбит видеолары тутан үөрүүлэрэ муҥура суох. Ол курдук Тымныы оҕонньор таһырдьанан ааһарын уонна оҕолор күүстэринэн кыракый " Бөрө уонна ньирэй" музыкальнай остуоруйаны туттулар. Айал Алексеев бөрө оруолун үчүгэйдик толорон "Оскар" үрдүк аатын ылан ийэтигэр соһуччу бэлэх оҥорто. Маны таһынан төрөппүттэрбит араас ыытыллыбыт күрэхтэргэ кыттаннар грамота,бириис ыланнар үөрүүлэрэ үксээтэ.
Биир күн дьиэҕэ олорор оҕолорбутугар Тымныы оҕонньордуун тиийэн бэлэхтэрин түҥэппиппит.
Кырачаан оҕолорбут түннүгүнэн өҥөйөн үөрүүлэрэ үксээтэ.
Түмүккэ төрөппүттэрбитигэр бу пандемия кэмигэр, биир киһи санааннан бииргэ үлэлэспиккитигэр махталбытын тиэрдэбит.
